百份百餐廳 (景林商場) (已結業)

上次睇電視，講開海南雞點整！我就不會推介呢間餐廳既海南雞，第一，最重要既透明啫喱，係啲啲都搵唔到，雞又唔滑，比較老，平時食燒味切雞都比佢好，真係可一不可再，醬汁好味都無用，飯唔係雞油飯，佢用左咖喱味整黃啲飯，香係香，不過唔太夾。。。希望餐廳可以改善一下，其實上網都有教點整，基本質素唔會整唔到！朋友點左個中式牛柳，呢個就真係幾好食，牛肉唔會好硬，叫得過！可能呢間餐廳主打健康，佢係中式牛柳加左蕃薯落去一齊煮，呢個都幾好食，唔會奇怪，會再叫！員工有問必答，仲好熱情幾個人走埋黎，不過其實唔駛太多人走埋黎哈哈！好似八卦果啲感覺，有時可以比啲員工自己試下解決問題比較好！呢度泊車停車場係Wilson $20/小時，上停車場條路都幾窄，小心啲。