BEL CIBO Seafood Bar & Restaurant (已結業)

幾日前黎食完晚餐，好滿意!  即刻推介朋友黎食午餐，順便為"她"慶祝生日。難得這裏星期六亦有提供LUNCH SET，五個人，點了兩個SET，再散點了三樣食物。A餐: 紅酒燴牛肋條扁意粉 $68，牛肋條非常入味，微微酒香，確實美味。F餐:  西班牙亞米高豬柳扒 $88，份量足，肉質彈牙。LUNCH SET包餐湯、沙律、餐飲，加$10仲可以配精選甜品。 雖然我們只點了兩個餐，但侍應都奉上五碗餐湯，確是很窩心。海鮮拼盤 $528，未食已經好吸引! 龍蝦啖啖肉，但略嫌鮮味不夠。其他有螺、蝦、生蠔、青口、龍蝦，全部都很鮮味，仲配上三種醬汁。呢個海鮮拼盤仲送左叫白酒，BRAVO~凱撒沙律 $98，蔬菜很新鮮。香燒豬仔骨 $168，很超值，大大條豬仔骨，味香肉腍，燒汁很特別，我本身對豬仔骨一般，但呢個確實好食，yummy。朋友們一致認為很美味，質素高，紛紛讚口不絕，侍應服務好又有禮。尤其是午市套餐，只是幾十元，很優惠。外面低質茶仔都四、五十蚊啦，仲要食住受氣。但奇怪的是，晚餐時有九成食客，午餐那麼優惠和高質素卻只得一兩枱食客，感覺像包場慶生，寧靜舒心。