Cafe 1950歐陸餐廳 (已結業)

Cafe 1950 好在就地方大多位，所以基本上唔需要點等位就入到去，而都坐得幾舒服。次次黎都會叫佢個豬手，百幾蚊有隻豬手食真係好抵。豬手皮焗得好脆，亦唔會太咸。入面就配埋食豬手會有嘅酸菜，不過黑椒太多，搶曬所有嘅味。海蝦焗飯就普通，有兩隻炸蝦都抵嘅，不過就普普通通，不過不失咁。蜜糖芝士炸雞，上枱有個鑊剷，好得意，食時候會有個火係下面熱著，店員就叫我地不斷攪拌 令芝士唔好痴底。芝士都有熱嘅時候都有拉絲效果，但好快凍左就唔得。同埋蜜糖太多，甜度太高。