麥田廚房 (已結業)

聽朋友介紹，話呢到有得食俄羅斯菜，所以我就約人試試佢! 原來呢間餐廳係上海派俄國菜，係俄國菜因為俄羅斯內戰而流入上海，演變成上海派俄國菜，相當有趣。所以我地就嗌左上海派招牌羅宋湯，呢個湯好足料，色澤深，味道香濃，帶點微辣，但與平時飲的羅宋湯差唔多，所以大家唔洗驚飲唔慣。跟住我地嗌左個傳統迷你蝦多士，呢個迷你蝦多士相當迷你，味道不錯，我個人幾喜歡佢個伴菜，酸酸的，幾開胃。另外呢個茄汁豬扒飯同一般食到的豬扒飯差唔多，炒飯底，但豬扒大塊厚身，茄汁味濃，味道尚可，唯飯底有點苦。呢個招牌烤羊架真係要重點介紹下，佢個羊架個熟度剛剛好，調味剛剛好，亦唔會太重羊騷味，但卻不失羊肉本身鮮味和香味，外脆內嫩，值得一試！