Ruby Tuesday (已結業)

人地話港女唔貴唔食，係，我諗我唔止係港女，仲係港豬同友人入黎叫左個牛扒，漢堡包，兩杯野飲，意粉，湯，沙律，埋單將近1800然後侍應走黎 sell會員話埋單有半價，1000蚊買左會藉可以一年有效，而結論係，埋單我地總數平左幾十蚊，但係個會藉之後一次都冇用過。因為啲食物質素係同普通西餐店，或者係自助餐店一樣，甚至更差， 牛扒煎到好界口，個漢堡包冇味道，而且係凍既 基本上我搵唔到任何一樣食物可以拎我再返黎幫襯。 其實一路都知呢間餐廳係靠會藉賺錢，但冇諗過啲食物質素同價錢可以咁唔成正比。如果有誠意煮出黎，我唔界意比多啲或者賣得貴，但係呢啲咁既質素，真係不敢恭唯啦。