富城火鍋海鮮酒家

營業中

休息中

未係依間野食過，見有任食就諗住試下。雞煲得辣或酒雞煲，有小朋友就叫酒雞煲，個酒係另上既，可以唔落。 有個計時比你，2分鐘開蓋自己炒4轉就食。服務員會講，服務都ok. 係滑，好好食。食完雞煲就上花膠雞湯，都足料。跟著上火鍋，個湯會放一邊唔收起。海鮮擇左煮好上，有粉絲底，好抵食。粉絲只食少少，食得多就火煱應該食唔到。冇落鼓油，我自己去醬油區攞左自己落。早知就早d叫上火煱，因為仔仔唔飲個湯就係等火鍋。豬好食過牛，其實食完雞煲同飲完個湯再加個海鮮盆我都飽了。火煱只攞左左牛百業同菜食。 牛百業個樣一般但好爽，係好食。有食菜，不過菜就唔新鮮。屋企人就都食左牛同豬，豬食得多過牛。另外有烏冬出前一丁，打邊爐食物款唔多，不過我都食飽了都食唔到咁多。飲品都幾多款，有前菜，就都係辣既不過我覺得好食。醬油就自己自助。雪糕就係牛奶公司，有4隻味。想黎食之前open rice 冇 任食 comment, 上黎寫下比大家參考。