越一越南牛肉粉專門店 (已結業)

今晚收工約左朋友到荃灣食野,為左交通便利所以近近地係地鐵站附近搵食, 最後揀左越一越南牛肉粉專門店。一入到鋪第一樣大讚的是個冷氣, 在大熱天時佢十分給力! 好快成個人都涼哂。今次叫左 香茅豬扒撈濛:咁熱完全無考慮過食有熱湯既野所以就揀中左香茅豬扒撈濛, 又係好穩陣既菜色如果咁都唔好食就唔會返轉頭再黎。呢間味道ok, 份量大, 豬扒合格。豬牛雞串燒:其實串燒只要燒得香唔UN我就收貨架喇, 最緊要既係佢既沙爹醬。呢間做得唔錯, 好香口。大蝦菠蘿炒飯:呢個菠蘿炒飯真係份量十足, 叫一個夠兩個人食, 上面有兩隻大大隻既大蝦, 又有D魷魚氣好爽口一口就可以咬開, 飯底係炒過既, 配上櫻花蝦蝦乾少少咸但又多返D脆口, 加上菠蘿甜甜酸酸的係夏天食好開胃。凍奶茶 同 凍檸茶:凍飲大大杯, 叫左少甜就真係少甜唔會走甜又或正常甜, 唔係間間餐廳既少甜會好似呢間咁岩我心水!