旺角海鮮菜館

營業中

休息中

見食評唔錯就和家人去試下，感覺好失望，食物質素OK，但服務差到一個點，唔怪得大家情願北上食飯，都不留港消費。餐廳有d取巧，分兩輪限時食飯喺香港好common，但收完按金先講就有d被人焗的感覺，明明之前book枱都無講，收完按金先話要8:00pm還枱，叫我哋一係5:00去食，但家人唔慣咁早食晚飯，6:00pm先開始食，勉強食得切。去到餐廳發現環境都好差，坐得好迫，其中一位位家人仲要坐圓形板凳，廁所衛生情況好惡劣。而且d侍應大叔黑口黑面，見你唔係點好多海鮮態度好差，自己落錯單，就同廚房屈我哋落完單先講，上菜時仲要俾說話我哋聽，真係一肚氣。本身餐廳收費都唔平，以咁嘅服務，真係冇下次，一定唔會介紹朋友去食。