大隻佬麵家 (已結業)

經過見到咁多明星相，海報等等，都幾吸引，所以入去試下，普通麵檔的麵，豬手，牛筋之類，有個濃情金莎撈麵，話係大地魚炸出來，壓成碎撈麵，講到好好食，又話好食過人地嘅蝦子撈好多，我因為食得太多其他款，所以試下，48元一碟，會不會太細碟？？？正常撈麵我好多時都食唔哂，但呢個我食完真係無乜飽肚嘅感覺，真心貴囉！講返味道，其實，我真係食不到乜魚味，蝦子撈都有蝦味丫，好似沈胡椒粉咁，佢只落左三四下，都無乜魚粉，所以無乜特別的味道！真心唔值。。。另外，個人好重視杯凍檸茶，佢嗰杯就好似雀x加檸檬咁。。。好奇怪的味道，但原來話係特別調配的。。。我覺得如果貴得黎好味係ok, 不過份量又少又無乜特別就不會encore了。。。