影片
更多
2022-07-12
409 瀏覽
本來無諗過寫今次嘅食評，我係食完先睇睇評論嘅，哈哈哈~喺未評價食物前，真心想講，睇食評好好睇㗎，只要留心就會發現有唔小笑位😂😂㗎喇。我睇咗食評咁多年，都有d心得嘅。我同openrice睇評論嘅人一樣，睇得多，就一定知道點解同其中嘅奧妙，我唔講明喇。講返我先喇，差評or好評我都有睇。呢間鋪頭只有一個差評，咁我梗係先去睇下寫乜嘢喇。我好用心睇㗎，差評話個雞扒飯同西湯，話俾之前好評影響，食過就覺得質素麻麻，性價比唔高，好失望諸如此類等等。就咁睇都係一篇好大路嘅差評啫，無乜特別。（題外話，咁我真係試過見到d評論讚到間鋪頭天上有地下無，直情唔去幫襯係自己唔啱咁。試完又係另一回事，份量同相片差一大截不在話下，味道又一般。我唔係講今次呢間鋪頭，係講之前嘅經歷，所以我了解俾差評嗰個人嘅失望。）咁都要公平d，要睇埋好評嘅。喺差評無耐，就見到有好評叫咗同樣嘅雞扒飯同有其他人嘅評論，咁梗係要睇睇啦。笑位嚟嗱，嚟嗱~~一個話得三枱客人，一個就話見過好熱鬧，坐滿人，夜晚仲要排隊添，仲有評論話好有人氣等等。一個話飯有d凍，一個話好鐘意個飯。呢d似是而非嘅回應，睇到呢到當時我真心笑咗😂😂，忍唔住都要寫返篇嘢發表下。
喺未評價食物前，真心想講，睇食評好好睇㗎，只要留心就會發現有唔小笑位😂😂㗎喇。
我睇咗食評咁多年，都有d心得嘅。我同openrice睇評論嘅人一樣，睇得多，就一定知道點解同其中嘅奧妙，我唔講明喇。
講返我先喇，差評or好評我都有睇。
呢間鋪頭只有一個差評，咁我梗係先去睇下寫乜嘢喇。
我好用心睇㗎，差評話個雞扒飯同西湯，話俾之前好評影響，食過就覺得質素麻麻，性價比唔高，好失望諸如此類等等。就咁睇都係一篇好大路嘅差評啫，無乜特別。
（題外話，咁我真係試過見到d評論讚到間鋪頭天上有地下無，直情唔去幫襯係自己唔啱咁。試完又係另一回事，份量同相片差一大截不在話下，味道又一般。我唔係講今次呢間鋪頭，係講之前嘅經歷，所以我了解俾差評嗰個人嘅失望。）
咁都要公平d，要睇埋好評嘅。
喺差評無耐，就見到有好評叫咗同樣嘅雞扒飯同有其他人嘅評論，咁梗係要睇睇啦。
笑位嚟嗱，嚟嗱~~
一個話得三枱客人，一個就話見過好熱鬧，坐滿人，夜晚仲要排隊添，仲有評論話好有人氣等等。一個話飯有d凍，一個話好鐘意個飯。呢d似是而非嘅回應，睇到呢到當時我真心笑咗😂😂，忍唔住都要寫返篇嘢發表下。
就我所見，嗰日我去到，三枱客人就冇咁小，但話坐滿人要排隊就唔需要喇，我一入去就有位坐嗱。我無去數有幾多枱客人呀😝，只可以憑記憶講約五枱左右喇。
咁其他時間入面係唔係好熱鬧同好有人氣，我就唔知喇，因為每次經過我都無專登停喺度望入去。
講開又講，我去幫襯唔係因為慶祝生日或者有朋友睇完網上推介話俾我知等等原因，係因為純粹近屋企。
如果我去屋苑餐廳食飯我都仲要排隊，我就唔會排喇。住翠寧嘅人都知，屋苑外有閘嘅，理論上只係for居民先可以進入，當然無人check嘅，但一般唔會太多外人無啦啦走入嚟，所以去得屋苑餐廳嘅大部分都係住附近嘅人，我都係貪佢就腳，食完可以快d返到屋企。如果仲要大熱天時咁企係出面排隊等，我就唔會喇，我會幫襯其他鋪頭，因為附近都仲有其他嘢食。
仲有，發現唔小評論都好巧合咁話有束鮮花🤪。估唔到唔小客人都好細心喎，因為我食嘢嗰陣時又真心無去留意枱上有無花，我只係掛住食咋。
作為客人，枱面上有無花，對我嚟講都唔重要，唔會影響我入唔入嚟幫襯嘅，我只係講出作為客人嘅心態。
至於評論中嘅雞扒飯，我無試過，所以我唔評論喇。
言歸正傳~我叫咗個手撕豬漢堡加薯條同西湯。八十八蚊加五蚊，總共九十三蚊。
漢堡除手撕豬之外，仲有配搭番茄同生菜，一般西餐嘅漢堡都係呢d配菜。但生菜就略嫌小咗d，有一塊大d，一塊細d。因為我鍾意食生菜，私心會想多d。
比起其他評論漢堡嘅相，我呢個手撕豬應該算小。我見到其他評論話勁厚，d相嘅手撕豬多到“吱”哂出嚟，厚度有半個包咁又或者生菜亦唔小咁。
睇嚟我真係唔好彩，咁啱比較細份同小肉。
有圖有真相，雖則我唔識擺得好好睇先影，亦無放係鮮花旁邊影😂，但我絕對無P圖㗎。
13 瀏覽
0 讚好
0 留言
至於味道，好難用文字去形容嘅，甜甜地咁，手撕豬味道話好驚艷又唔係，但麵包小小“腍”，番茄同生菜就係正常番茄生菜。
薯條係最好，攞出嚟仲係熱，剛剛炸好。
至於西湯又係笑位喇😂，俾差評嗰個人講到粟米西湯好淡咁，之後又有好評講到粟米湯非常鮮。同一個西湯反差咁大嘅，係咪兩個唔同廚師煮㗎。
咁我試過覺得一般喇，無特別，好差唔係，好好唔係。公道講句喇，五蚊又唔可以要求太苛刻嘅，但我又唔會誇張到話值五十蚊嘅，如果我咁講都係扼你啫。
薯條雖好，但漢堡整體普普通通，相對要差唔多成九十蚊嘅價錢食個漢堡包餐，唔太值，以食晏嚟講偏貴，應該唔會再叫喇。
評心而論，出得去食嘢預咗比人賺，咁人地做生意一定係想賺錢㗎喇，無人蝕本都會做㗎，所以合理範圍就得。例如一百蚊嘅餐，我唔會要求酒店嘅級數，如果我講有酒店嘅質素，都唔會有人信我喇。
哈哈，我呢篇出咗後，會唔會好快就有篇更精彩嘅評論or回應或有其人客人比較好彩有大大份嘅手撕豬呢。😌
期待期待。
張貼
