雄 聚一堂 (已結業)

今日大約下午6時光顧， 入去唔使等位 店舖非常之細， 侍應招呼好好 有介紹食品， 可能因為有個著廚師衫可能係老細 坐喺度同人吹水， 好似睇電視有個講故佬喺度同人哋講嘢一樣 講到自己天花龍鳳 ，總言之好鬼嘈喇， 正題自己點了燒鵝三拼飯， 三拼有燒鵝， 燒肉 同叉燒 飯分量不多 燒鵝去咗骨 燒肉畀咗燒腩部位 叉燒係瘦叉燒 整體質素不錯 燒鵝三拼飯盛惠68蚊 加一杯凍奶茶 8蚊 特別一提 佢哋有一隻叫vip叉燒 應該就係一粒肉一啲肥膏一粒肉一啲肥膏三粒嘅叉燒， 不過聽到佢哋吹水之間講 佢啲叉燒都係用雪藏凍肉製造，不過冇所謂啦 如果凍肉都製做到好味嘅食物廚師就成功咗啦