Red Rice 米飯主題餐廳 (六合街) (已結業)

讀中學果時，學校隔離有間好好食嘅蛋包飯，一個星期真係可以食足五日，不過依加畢業之後就無食過啦。而香港好多餐廳都唔會有蛋包飯食，難得行行下街見到呢間嘢有蛋包飯，於是就嗱嗱聲入去一試究竟：有無學校隔離果間好食呢？食物一上枱，其實已經有少少失望。因為佢個蛋好厚身，仲有少少未熟嘅蛋漿流出黎，但係學校果間嘅蛋係熟透同埋係一塊好薄身嘅蛋皮，口感就會輕盈D。再試下個飯，無咩味。番茄汁亦都好淡。整碟飯無重點，無特色，總之就好普通，無咩特別。我會繼續尋找好吃的蛋包飯。