藍屋 (已結業)

第一次食，但我諗未必會返轉頭個日去食下午茶，一入去就見到地下好污糟，可能剛剛做完午市，但餐枱上啲調味料樽都唔太乾淨，仲有啲調味料係枱面，侍應都冇抹到，食欲已經一般後來，見到個menu有常餐，係蕃茄湯底嘅通粉，仲有奄列同奶油豬，個配撘好吸引，好似好抵食，所以就叫咗，以為可以味道撘救，但......首先，個奄列太燶同太乾，賣相一般，唯有個奶油豬係接受到。到個通粉，我一見到碗野真係呆咗。個湯底似係羅宋湯多過蕃茄湯，一啲蕃茄味都冇而且啲通粉又唔入味，好似就咁淋啲湯上去咁成碗野黑黑沉沉咁嘅色，真係大打折扣