影片
更多
2022-08-05
832 瀏覽
今日因為拍片🎥唔齊人，所以就諗下去邊到食飯，順便拍下vlog ，所以我就話：不如揸架旅遊巴🚌入西貢拍vlog？大家都舉腳讚好後，我地就出發去西貢🧍♂️🧍♂️🧍♂️🧍♀️🧍♀️～黎到之後，我地就發現逢星期一、二既買一送一優惠冇左，不過唔緊要，冇左都要食飯既，所以我地1行5人叫左以下既食物：－ 蒜蓉包(Garlic Bread)－ 脆炸魷魚圈 (Calamari)－ 香濃芝士意大利麵 (Spaghetti Alfredo)－ 香焗肉醬千層麵 (Beef Lasagna)－ 夏威夷簿餅 (Tropicana)－ 秘製醬汁燒排骨 (BBQ Spare Ribs)而飲品就因為Stella做大pin買一送一，所以就叫左2杯，重有朋友想飲奶昔，所以叫左香蕉奶昔～食物都終於黎喇：1. 蒜蓉包🍞 － 我地幾個朋友都好鍾意食包，所以對包都會好高要求，呢個包唔會太燶，味道亦唔會太濃，而且焗出黎既包重好香，所以第2碟未上，我地已經消化左🤣2. 脆炸魷魚圈🦑 － 香口野就個個都鍾意食，今次呢個魷魚圈就唔係太多粉，1咬落去已經係個魷魚圈，配埋沙津醬，正宗1口1啖肉呀，又係未上第2碟已經俾我地消化左😏 3.
黎到之後，我地就發現逢星期一、二既買一送一優惠冇左，不過唔緊要，冇左都要食飯既，所以我地1行5人叫左以下既食物：
－ 蒜蓉包(Garlic Bread)
－ 脆炸魷魚圈 (Calamari)
－ 香濃芝士意大利麵 (Spaghetti Alfredo)
－ 香焗肉醬千層麵 (Beef Lasagna)
－ 夏威夷簿餅 (Tropicana)
－ 秘製醬汁燒排骨 (BBQ Spare Ribs)
而飲品就因為Stella做大pin買一送一，所以就叫左2杯，重有朋友想飲奶昔，所以叫左香蕉奶昔～
食物都終於黎喇：
1. 蒜蓉包🍞 － 我地幾個朋友都好鍾意食包，所以對包都會好高要求，呢個包唔會太燶，味道亦唔會太濃，而且焗出黎既包重好香，所以第2碟未上，我地已經消化左🤣
2. 脆炸魷魚圈🦑 － 香口野就個個都鍾意食，今次呢個魷魚圈就唔係太多粉，1咬落去已經係個魷魚圈，配埋沙津醬，正宗1口1啖肉呀，又係未上第2碟已經俾我地消化左😏
3. 香濃芝士意大利麵🍝 － 今日除左我同R先生係芝士控之外，我地重多左1個小姐都係芝士控，就係大K喇，意粉多汁唔在講，芝士味超濃😋少量既火腿都已經令到個意粉生色不少，不過意粉個人感覺軟左dd
4. 香焗肉醬千層麵🍝 － 呢個係我request話叫既。因為實在太鍾意食薯蓉，所以叫左千層麵，薯蓉有少少濃，好好食，千層麵好鬆軟，重有拉絲既芝士，真係勁開心😊😍😍
5. 夏威夷簿餅🍕 － 今日因為有1個意粉加1個簿餅連2杯飲品＄308，所以我地就叫左個簿餅，簿餅底比較簿，所以唔太漏，其他都冇咩特別😋
6. 秘製醬汁燒排骨🦴 － 個汁真係好好食，雖然係排骨，但係都有好多肉，重有既係配菜😍薯條，真係好緊要，呢到既薯係好正，唔似麥記咁食空氣，所以好快俾搶食一空喇～
總結：食完呢餐，朋友全部話高質，全部都話要帶另1半黎試，全部都攬住個肚走，好開心，所以如果有車既朋友，不妨黎下呢到gathering😋
張貼
