泰道 (已結業)

同屋企人一行十二人揸車嚟西貢玩完順便夜晚食飯，事先訂好咗位。黎到嘅時間大約下晝6點鐘，黃昏時間，因為呢一日天氣唔熱，所以向店員要求坐室外。生蝦刺身係我全餐飯覺得最好食嘅道菜，所以encore咗一轉。口感好彈牙，配搭嘅汁水亦都好開胃好好食，連老婆都食得出話啲蝦好新鮮，同埋我覺得比較同平時喺泰國餐廳食唔同嘅一樣嘢就係個口感好厚身，所以食落口咬都幾下覺得幾creamy.呢個燒牛肉，中規中矩。椰汁飯亦都係冇乜驚喜，事關食得出入邊啲海鮮冇事前醃製過，當然明白本身呢啲都一定係啲急凍食材，但如果有醃製過，食落會好啲。*****. 一行12個人食咗$2500左右，但係坦白講成餐飯，滿意嘅嘢唔多，因此其實都冇影晒全部嘅相，只係因為醒起呢度嘅服務員水準好參差。有啲後生嘅都幾殷勤，反而有個年長小小嘅又未去到阿叔嘅，就服務態度好差，完全係街邊茶記嘅水準，所以先忍唔住得三張相都要寫返個食評。