影片
更多
2021-07-03
2249 瀏覽
前兩日經Openrice 訂枱😄有八折🤪因為太遲book枱，打去問店員既時候已經冇咗窗口位啦，同朋友坐咗起餐廳嘅中心，環境都舒適闊落。其實都望到出邊嘅景觀，雖然酒店近住碼頭同會展，但係窗口位只係望到好少海景同埋大部份都比地盤遮住咗🤣所以book唔窗口位都唔使太失望，我覺得分別唔大。1️⃣Classic Afternoon Tea $488 （折左439.2）依個Tea set共有三層，高層分別係原味同提子英式鬆餅，配有牛油、橙味果醬、士多啤梨果醬，食落比較乾，冇乜驚喜，比較普通。中層係甜點包括有熱情果慕絲、萬麗美式芝士蛋糕、黃梅杏仁朱古力、紅桑子馬卡龍同62%朱古力撻，全部都好味🥰本身仲以為有啲伏，但係整體都比高層好味同吸睛，個人比較喜歡萬麗美式芝士蛋糕同埋熱情果慕絲。芝士蛋糕食落有濃厚嘅芝士味細細個唔會好漏，而且有兩層食落好有口感。熱情果慕絲本身以為會好甜，食落口感香滑亦有熱情果味道😄👍🏻最底層就以鹹點為主，有火腿青瓜蜜糖忌廉芝士三文治、法式三文魚肉醬酸忌廉撻同脆炸蘑菇黑松露丸子（素），甜點就有荔枝白酒啫喱。火腿青瓜蜜糖忌廉芝士三文治既青瓜切到薄片，加埋火腿芝士食，口感都好豐富👌🏻三文魚
1️⃣Classic Afternoon Tea $488 （折左439.2）
依個Tea set共有三層，高層分別係原味同提子英式鬆餅，配有牛油、橙味果醬、士多啤梨果醬，食落比較乾，冇乜驚喜，比較普通。
中層係甜點包括有熱情果慕絲、萬麗美式芝士蛋糕、黃梅杏仁朱古力、紅桑子馬卡龍同62%朱古力撻，全部都好味🥰本身仲以為有啲伏，但係整體都比高層好味同吸睛，個人比較喜歡萬麗美式芝士蛋糕同埋熱情果慕絲。芝士蛋糕食落有濃厚嘅芝士味細細個唔會好漏，而且有兩層食落好有口感。熱情果慕絲本身以為會好甜，食落口感香滑亦有熱情果味道😄👍🏻
最底層就以鹹點為主，有火腿青瓜蜜糖忌廉芝士三文治、法式三文魚肉醬酸忌廉撻同脆炸蘑菇黑松露丸子（素），甜點就有荔枝白酒啫喱。火腿青瓜蜜糖忌廉芝士三文治既青瓜切到薄片，加埋火腿芝士食，口感都好豐富👌🏻三文魚酸忌廉撻就有好多三文魚碎起入面，酸忌廉同三文魚好夾，但係撻底就有啲厚，如果薄啲就更加出色，做好味嘅係蘑菇黑松露丸子，雖然黑松露味道唔算好濃，但加埋忌廉醬幾好味😋
茶我揀左Chamomile Blossoms，係茶包飲落都有甘菊味，飲完一壺可以叫店員再加水。
整體黎講雖然冇景觀睇，但係食物質素都唔錯，有折扣都可以一試🥰
44 瀏覽
0 讚好
0 留言
張貼
