Babacio (已結業)

户外座位正正對住大館，黃昏時間入座可以睇到日與夜嘅大館。深木色枱凳+太陽遮+小燈飾+各種植物，感覺好似去咗度假，不過夏天坐户外一定出晒汗，要取捨了😂*Babacio $288叫得Babacio一定係招牌必揀！薄餅餅底非常薄、好濕潤，帶淡淡麥香、焦香。餅邊厚身煙韌、有嚼勁。配料有基本嘅番茄醬、mozzarella芝士、番茄乾。18個月巴馬火腿帶鹹香，切開burrata芝士，半流心好creamy，口感豐富又好食。Calzone $218薄餅餃子焦香味比薄餅重，麵餅比較厚，入面包住大量拉絲mozzarella芝士，仲有一層層cotto ham熟火腿、蘑菇。蘑菇味比較重，火腿鹹香比較弱。Funghi tagliatelle $198意粉偏向腍身，白汁有黑松露醬+兩種芝士Asiago cheese, granna padano，醬汁好杰好杰，有種說不出港式白汁嘅味道。配料有牛肝菌、蘑菇，但菌類未夠香，仲有令人可恨嘅青豆。