GALBI TOWN

營業中

休息中

經過尖沙咀見到有一間個名幾特別嘅餐廳，上網check一check先發現原來係一間韓燒店嚟，仲話係韓國人主理，決定入去試一試。一入去就已經覺得環境好寬敞，座位坐落都好舒適，非常適合一班朋友慶祝時過嚟食。每台都會提供九碟韓式前菜，喺食主菜之前就已經享受到多樣既韓式風味。點完嘢食之後，佢哋嘅店員仲會主動過嚟幫手燒，可以專心咁樣同朋友吹水等食嘢，以下介紹幾款我食咗覺得嘅好食嘅選項：### 醬油蟹喺香港要食到好食嘅醬油蟹唔係一件容易嘅事，呢一間嘅醬油蟹蟹肉鮮甜，搭配特製的醬油醬汁，味道濃郁，撈埋佢哋嘅紫菜白飯，非常之開胃好食。### 韓牛新鮮肉眼絕對嘅大推，呢度嘅韓牛新鮮肉眼十分高質，油花分佈均勻，燒烤後的肉香四溢，食落去好多肉汁，超重牛味，仲好食過我之前喺韓國食過嘅韓牛，黎呢度食飯嘅話一定要點嚟試下。### 五花肉去食韓燒一定要點嘅五花肉，外皮燒到酥脆，內裡保持著多汁嘅口感，再搭配新鮮的生菜，每一啖都係享受！### 辣拌冷麵作為韓燒嘅絕佳配搭，辣拌冷麵清爽可口，酸辣的味道令人食慾大開。呢道菜喺食完一堆燒肉後超級合適，可以平衡返油膩感，成餐飯食落更加舒服。如果你想體驗正宗嘅韓國燒烤，就一定唔好錯