鼎家喜筷 (已結業)

天氣又涼返啲，咁嘅天氣，打邊爐食雞煲，真係一個最佳選擇😀今日同朋友去到海之戀呢間鼎家喜筷，佢哋個雞煲唔算貴，重要任食雞件，而且雞件大大件，啖啖肉，認真抵食，但留意返，用餐時間有90分鍾😂幸福雞煲 - 雞件好多肉，雞煲個靈魂係個汁，佢哋個汁堅好味，令到平平無奇嘅雞肉，變得美味無比👍🏻 加埋啲辣味，開胃又醒神，好食到停唔到口😍 食完第一轉，如果唔夠喉，可以再嚟多轉，真係食雞煲都食到飽呀👍🏻蔬菜拼盤 - 兩個人食，剛剛好，蔬菜又新鮮，食咗咁多肉，真係要食返啲菜平衡吓😊蟹柳 - 好粗大，口感一流，又係啖啖肉嘅感覺，太幼身嘅蟹柳唔夠口感。蟹柳吸收咗雞煲嘅湯汁，勁好味，食咗兩碟😂珊瑚蚌 - 好新鮮，放湯一分鍾就食得。爽口彈牙，加埋雞煲汁嘅加持，無得輸。藍莓蘆薈綠茶 - 好清新的口感，能將雞煲啲油膩感，辣味，一掃而空。加上蘆薈，感覺打邊爐嘅熱氣都全消了，必飲推介👍🏻