Just Eat (已結業)

天氣寒冷，當然想食返啲熱辣辣嘅食物， 約了朋友在 佢公司附近， 喺6點鐘之前食返個晚餐。自從西營盤站開通之後， 西環越嚟越多食肆， 而且仲有半山扶手電梯非常方便， 啱曬我同朋友，最鍾意靜靜地， 唔使逼可以靜靜地嘆番餐。扎肉雞絲金邊粉熱辣辣香噴噴金邊粉， 煙煙韌韌米香味十足， 扎肉彈牙香口， 雞絲分量頗多， 湯底清甜美味。芒果蟹柳脆脆米紙卷， 仲有我最鍾意嘅蟹柳， 如果芒果份量再多番少少就更加好。香茅牛肉越式法包法包外皮脆卜卜， 香茅牛肉肉味香濃 又充滿香茅味， 加埋醃紅蘿蔔白蘿蔔， 酸酸甜甜好好食。檸檬薏米特飲柑桔酸梅特飲咁凍嘅天氣，嗌咗兩杯暖笠笠嘅特飲， 真係真材實料。檸檬薏米， 檸檬清新香甜， 超多薏米😍😍。 柑桔特飲滋潤喉， 啱曬而家乾燥天氣。