喜喜雞煲

營業中

休息中

最近香港頻頻發出寒冷天氣警告，好凍，最適合打邊爐。 呢間位於深井類似大排檔嘅雞煲餐廳，質素唔錯。我哋係外賣，叫左惹味重慶雞煲（1隻 微辣）。 等咗十幾分鐘，雞煲即叫即整，pack 得好整齊！返到屋企，打開外賣盒，大大份，份量好足。 將雞煲配料放落鐵鍋中，放埋芫茜，重慶汁極之野味，香氣四處。雞肉好快熟，雞肉嫩滑，啖啖肉，令人十分回味！而且食到酒香味，每件雞都好入味，值得推介！成班朋友食完都暖笠笠！😋整體嚟講，無論份量同味道，都超出預期。