新記煲仔雞粥 (已結業)

呢排天氣凍咗好多，咁啱係元朗見到新記雞粥，一係食熱辣辣生滾粥都好喎，食完應該會暖笠笠，裡面有位又坐得鬆動，啱晒！好，坐低睇下有咩好食先。貴妃雞粥，個粥底好綿，面頭有雞油，煲到將成個雞味迫晒岀黎，仲有好幾件雞件，碗粥好夠份量，食粥都好夠飽。炸蘿蔔糕，炸得好香脆，裡面蘿蔔糕就有絲絲口感，呢個炸蘿蔔糕好食過煎嘅。海哲手撕雞，帶少許麻辣味，海哲爽口，雞絲啖啖肉，非常惹味菊花蜜，冬天乾燥，飲番杯菊花蜜潤一潤。