影片
更多
2008-10-15
14 瀏覽
為慶祝我個食嘢勁奄尖嘅老豆大壽，傷腦筋去邊到食嘅時候响飲食男女見到鮨久個廣告，講明每日新鮮到港日本冇貨到就唔開好似好Pro咁，就一於試吓去啦! 不過訂位真係幾難但就令我期望更高！當日去到雲咸街嘅時候揾極都揾唔到，原來要經過一條唔會覺得有舖頭嘅樓梯行落去(心感不妙!) 但去到門口令我眼前一亮，超巨型酒櫃放滿晤同嘅酒，裝修似足日本feel嘅壽司bar只得10數個位,客人全部都坐counter同師父全接觸。我哋被安排坐响背住門口，一坐低熱茶,毛巾,menu統統即時送上服務一流！打開menu有啲無從入手因為咁大個女都未食過咁傳統嘅壽司bar,店員見我有D疑惑就過嚟幫我地逐個set介紹,最後我地揀咗價值$1,800嘅SushiQube set(有D唔捨得，一生人豪一次啦!)及一支唔記得セ名嘅sake。首先店員比咗碟應該係沙甸魚刺身嘅前菜(幾精緻!前菜嚟講絕對唔馬虎!)然後師父送上剌身,有魚,貝類同蝦十幾件,細心之處係師父逐一介紹同埋食嘅次序(日本師傅但識講中文架貴嘢果然係講究D!所有嘢都好新鮮想食嘅嘢全部都有齊!最值得回味嘅係帶子同拖羅,拖羅肥美到極入口即溶(師父話依D拖羅係野生嘅,唔係到到食到
當日去到雲咸街嘅時候揾極都揾唔到，原來要經過一條唔會覺得有舖頭嘅樓梯行落去(心感不妙!) 但去到門口令我眼前一亮，超巨型酒櫃放滿晤同嘅酒，裝修似足日本feel嘅壽司bar只得10數個位,客人全部都坐counter同師父全接觸。我哋被安排坐响背住門口，一坐低熱茶,毛巾,menu統統即時送上服務一流！打開menu有啲無從入手因為咁大個女都未食過咁傳統嘅壽司bar,店員見我有D疑惑就過嚟幫我地逐個set介紹,最後我地揀咗價值$1,800嘅SushiQube set(有D唔捨得，一生人豪一次啦!)及一支唔記得セ名嘅sake。
首先店員比咗碟應該係沙甸魚刺身嘅前菜(幾精緻!前菜嚟講絕對唔馬虎!)然後師父送上剌身,有魚,貝類同蝦十幾件,細心之處係師父逐一介紹同埋食嘅次序(日本師傅但識講中文架貴嘢果然係講究D!所有嘢都好新鮮想食嘅嘢全部都有齊!最值得回味嘅係帶子同拖羅,拖羅肥美到極入口即溶(師父話依D拖羅係野生嘅,唔係到到食到架!),一定要encore!!!食完刺身後店員送上一碟炸咗嘅沢蟹仔,超脆!佐酒一流!然後送上一碟酸菜,店員話係要嚟refresh個口嘅。師父趁我哋食緊酸菜期間已靜雞雞咁將一件佐口魚壽司放在我哋眼前。全個餐有十幾件壽司,由淡口D嘅白身魚到濃味嘅海膽。唔食過都唔知有咁多款嘅白身魚雖然佢哋好似但細心品嘗後發覺D味道同質感都各有特色。師父將壽司逐件等我食完先放另一件在碟上,一級享受!令我真係以為自已身處在曰本!師父更因為知道我老豆生日任佢叫多幾件壽司。飯後更有紅麪豉湯及雪糕。
依餐真係好好食食到好飽好enjoy, 所有嘢都冇得tan!唯一決點可能係地方太細,不過如果唔係都做唔到同師父咁close嘅感覺喇。雖然銀包赤赤痛但絕對值得,連我個奄尖老豆都話要再嚟!
P.S: 唔想太貴的話可以下午食lunch set,$200-$300蚊咋!
張貼
