富豪餅店

營業中

休息中

第一次買富豪餅店嘅曲奇同酥，見佢包裝幾靚，價錢又唔特別貴，所以就試下，冇諗到味道唔錯！兩盒拆開都有張咁嘅紙，望落去感覺幾乾淨。曲奇餅有幾款，我揀左至尊情脆，有雙重朱古力曲奇同埋腰果曲奇。每樣有八塊，一共有十六塊，而且係獨立包裝。曲奇牛油味唔算濃，可能因為我唔係揀牛油曲奇。朱古力味幾濃，唔會過甜。腰果曲奇幾香，有少少腰果粒。兩款都幾香脆酥化，咁嘅價錢真係唔錯！腰果酥冇獨立包裝，不過打開都覺得好靚，一共有十八粒，每一粒面頭都有腰果。食落去好重果仁香，而且係超級鬆化，好香好脆，口入面會充滿住牛油同腰果香。個人覺得比曲奇更加好食！