韓牛韓式燒烤 (已結業)

如果單單食韓燒唔足夠滿足，咁呢間餐廳就非常適合你。 餐廳除咗提供韓燒之外，仲提供各式各樣韓式料理，魚生、海鮮、壽司、沙律、甜品等等，一應俱全。韓燒肉類方面，有牛肉、牛仔骨、豬扒、雞肉、雞翼、肥牛等等。海鮮方面，有三文魚、多春魚、魷魚等等，各類蔬菜同丸類亦一應俱全。食物嘅種類多， 如果想試多啲唔同嘢食，就每樣都唔會食得太多。除咗有三文魚刺身，海鮮仲有青口、蜆肉、蝦選擇。另外又有唔同嘅壽司同手卷選擇。韓式料理當然唔少得各類韓式配菜，例如有泡菜、醃蘿蔔、大豆芽等等。除咗有各式炸物，仲有沙律選擇。連瀨尿蝦都有得食。最後當然唔少得甜品。除咗有杯裝甜品同蛋糕外，仲可以自製棉花糖，又有朱古力噴泉同雪糕機。仲有唔同款式嘅雪條同雪糕揀。