影片
更多
2017-10-23
2843 瀏覽
今朝返工搭LIFT竊聽到隔離三姑話帝景酒店入面有間叫帝景軒既餐廳個BUFFET逄星期三只不過係198蚊，就有齊龍蝦，鮑魚，蠔同長腳蟹等等，返到公司即刻二話不說約腳定位，放工之後立即驅車前往。喺酒店既對面係一咋廣闊既錶位，目測都有成四五十個，實屬揸車朋友既佳音，到達時為七點半，呢度平日入錶入到八點，入4蚊打爆佢，餐飯慢慢歎。由酒店外面到到餐廳入面既裝潢都唔錯，未入到去就可以遠眺汀九橋既夜景，酒店果然係酒店啊吓。作為一個鐘意食菜會會員，一開閘既時候梗係去掃吓個salad bar先，各款沙律菜都非常之新鮮，羅馬，火箭，baby spinach呢三樣貴價野，喺街市一執仔閒閒地都十幾廿蚊，真係淨係食菜都已經回到本。食完沙律繼續冷盤，刺身方面種類未算繁多，除三文魚外仲有鯛魚同埋吞拿，不過大部分香港人包括我在內最鍾意都係三文魚既姐，三文魚鮮味豐富，肉厚肥美，收貨。長腳蟹肉鮮甜無比，海水味濃，每一枱都有幾把較剪方便去殼，喺出面雖然屬於搶手貨，但係refill既速度都非常之迅速；凍蝦隻隻蝦頭都有超多羔，肉質彈牙結實，剝殼嗰陣經已feel到係正野；凍海鮮另外仲有翡翠螺同青口，青口略嫌鹹咗少少，不過間住鮮甜
喺酒店既對面係一咋廣闊既錶位，目測都有成四五十個，實屬揸車朋友既佳音，到達時為七點半，呢度平日入錶入到八點，入4蚊打爆佢，餐飯慢慢歎。
由酒店外面到到餐廳入面既裝潢都唔錯，未入到去就可以遠眺汀九橋既夜景，酒店果然係酒店啊吓。
作為一個鐘意食菜會會員，一開閘既時候梗係去掃吓個salad bar先，各款沙律菜都非常之新鮮，羅馬，火箭，baby spinach呢三樣貴價野，喺街市一執仔閒閒地都十幾廿蚊，真係淨係食菜都已經回到本。
食完沙律繼續冷盤，刺身方面種類未算繁多，除三文魚外仲有鯛魚同埋吞拿，不過大部分香港人包括我在內最鍾意都係三文魚既姐，三文魚鮮味豐富，肉厚肥美，收貨。
長腳蟹肉鮮甜無比，海水味濃，每一枱都有幾把較剪方便去殼，喺出面雖然屬於搶手貨，但係refill既速度都非常之迅速；凍蝦隻隻蝦頭都有超多羔，肉質彈牙結實，剝殼嗰陣經已feel到係正野；凍海鮮另外仲有翡翠螺同青口，青口略嫌鹹咗少少，不過間住鮮甜既長腳蟹同埋凍蝦嚟食又唔錯喎，經過青口既鹹鮮洗禮，令其它凍海鮮份外鮮甜，一凹一凸，最佳拍擋。
粉麵既corner有專人服侍，由於主力都係食海鮮，就無攞到即叫即煮既粉麵，不過見都要排吓隊，應該都唔錯，下次有機會會再試吓。
蒜蓉辣椒燒生蠔，燒生蠔隻隻都飽滿肥美，入口仲好juicy，作為一隻燒既生蠔都好新鮮，用蒜蓉同辣椒吊起個味，沒有不好吃的理由。
蠔皇燴鮑魚，鮑魚同龍蝦尾每位敬送一客，鮑魚啱啱好一啖一隻，size適中，蠔油既香味索哂入隻鮑魚入面，炆得又夠哂腍，用啲鮑汁嚟撈埋條小棠菜一齊食，好味。
避風塘龍蝦尾，一擺上枱已經好香，眼見啲炸蒜同埋椒鹽包圍住隻龍蝦尾叫人食指大動，龍蝦肉爽口彈牙，好有避風塘風味。
海南雞飯，呢度個海南雞飯勝在可以自己不，鍾意不幾多就不幾多，我就DIY咗一小啖飯仔，但係有好多舊雞既版本，完全滿足哂平時出街食海南雞飯覺得啲餸太少，唔夠雞餸飯既壓抑感；海南雞肉質未算好滑，不過就勁有雞味，特別推介個海南雞，個酸辣味平均得好好，味道十分之正宗。
甜品為數不少，怕食唔哂隨手攞咗幾樣，其中班蘭蛋糕，朱古力蛋糕，朱古力吉士同埋木糠布甸都十分推介。
朱古力噴泉，呢個細個阿媽帶我去名寶石既美好回憶，雖然宜家已經牛龜咁大，但係每一次見到都忍唔住做吓老而不，同啲細路一齊排隊，懷緬一番；朱古力漿味道依然香濃，只係年紀大咗口味改變，唔可以好似細個咁我要打十個鳥。
張貼
