串串居 (已結業)

佐敦嘅串燒大部份都去過，其實唔覺邊間特別好味間間都係咁上下。不過由兩三年前差不多每個禮拜都幫襯呢問串串居到依家。原因有4個1) 非常平，三個人去食，每每坐左五粒鐘落樓都袛係每人百幾蚊，食物質素算唔錯（性價比高）。2)  非常親民，從不趕與騷擾顧客，我可以平平靜靜同朋友傾到兩點都無問題，有時重會一齊吹水飲酒添。 3)  非常體貼，知道我地鐘意飲大酒，開瓶費袛收五十大元，每次都帶平平支威士忌直至飲完，十分盡慶。4)  非常方便(煙民)，街鋪有時可以坐出面食煙十分自在，就算坐室內都係兩步之遙，方便方便。好可惜店主同我講做埋呢個月會結業，突然覺得無左啲街坊場可以輕輕鬆鬆，好少唔捨得一個地方，唯有係凈餘日子多多去幫襯幫襯，希望江湖再見...順道一問，有無好嘅地方介紹呢