上海綠楊邨酒家 (已結業)

上兩次嚟係食大閘蟹同做冬，今次嚟係因為團年飯，一家五口食得好開心， 抵食又好味! 頭盤： 素鵝，醉雞 香口，但係唔油膩， 餡料由夠，最鍾意入面嘅的冬菇， 大家爭住食，好快就食完醉雞我冇試因為唔食得生冷野，不過應該好味， 雞肉好嫩好香。前菜round 2： 小籠包小籠包皮薄肉厚汁多，好好味。 食完一籠未夠喉中，仲要追加多一籠。 雖然未係我食過最好味的小籠包，但係5分都有4分，好味。Main：東。坡。肉！全晚最期待的主菜：東坡肉！腩肉肥瘦均勻， 入口即溶， 唔肥膩得嚟又有少少酒香味，又有少少酒香味，用嚟撈飯最正。上菜時又用小鍋熱住上，香味撲鼻子 主菜2，3，4： 鹹肉小棠菜百頁，擔擔麵，蔥油撈麵菜式屬一般上海店水平，但唔知係咪當晚太忙，麵有點泡了。甜品： 合桃露， 一鍋分到碗， 冇晶晶甜品咁好味但係都ok。總體來講，環境非常之好，向海之餘裝修又decent, service又好，食物又非常好，以咁既條件價錢非常合理。我地應該會將呢度變成飯堂。