影片
更多
2020-02-14
102 瀏覽
相信好多中環返工而又鍾意飲咖啡嘅人都會去過 Cupping Room。我都間唔時有去買咖啡飲 (因為佢哋啲咖啡真係好好飲），但係就從來都冇試過去嗰度食嘢。早一排，有個中學同學同我講 Cupping Room 會開一間餐廳，我冇特別去留意餐廳喺邊度。大概兩個星期之前，我行過 DoubleShot by Cupping Room 樓下一間專買相嘅鋪頭，俾嗰間相鋪啲好大張嘅相吸引左我入去，無意中發現原來DoubleShot by Cupping Room 就係嗰度。本來都想早一啲過嚟試一試，但係因為新型肺炎嘅關係，所以呢兩個禮拜一直都買外賣返公司食。直至今日，我終於頂唔順困住喺公司食外賣，決定要去呢間餐廳試試。餐廳入面原來都幾開陽，因為佢一邊有個好大嘅窗，而佢個窗係長期開嘅，所以空氣都好流通，最啱而家細菌當道嘅時候去。唔知係咪呢個原因，呢度間餐廳都算做有幾多人。佢有個 set lunch menu。$168 兩個 starter，一個 main。雖然啲每一碟份量唔係好多，不過一個唔係好貴嘅價錢滿足我三個慾望，我覺得都幾抵食。我第一個慾望就係 crispy potato 千層薯仔。可能因為個名
餐廳入面原來都幾開陽，因為佢一邊有個好大嘅窗，而佢個窗係長期開嘅，所以空氣都好流通，最啱而家細菌當道嘅時候去。唔知係咪呢個原因，呢度間餐廳都算做有幾多人。
佢有個 set lunch menu。$168 兩個 starter，一個 main。雖然啲每一碟份量唔係好多，不過一個唔係好貴嘅價錢滿足我三個慾望，我覺得都幾抵食。
我第一個慾望就係 crispy potato 千層薯仔。可能因為個名嘅關係，令到我以為佢係超脆，但係食落去冇我想像中咁脆，不過都好食。見到第一個印象會係覺得佢係薯條，但係如果你咬落去你就會發現其實佢係用一塊塊片狀薯仔疊埋整成嘅薯條。所以食落去嘅口感同一般嘅薯條唔同，會有多番一啲咬口。另外有兩款醬俾你點，沙律醬同埋 bravas sauce。個 bravas sauce 我食到好似有啲 chorizo 辣腸嘅味道，辣辣地，味道好濃，好味！
之後有 baby purple kale 羽衣甘藍沙律，我從來冇見過咁靚嘅羽衣甘藍，佢不單止係綠色同紫色，睇落去啲顏色好靚，而食落去都係非常之嫩。羽衣甘藍本身都係一樣好有益同好健康嘅食物，沙律仲有一啲同樣係好健康嘅藜麥。個沙律仲加咗三種唔同顏色，紅色、橙色同埋綠色嘅車厘茄。最初食嗰陣時唔係好鹹，不過食到底有少少過鹹，可能啲鹽嘅唔係好均勻。
第三個慾望最後就係廚師早餐 chef’s breakfast，最初我以為嗰啲火腿係 Parma ham，但係一食落去就食到嗰啲肉味好重同埋有啲榛子味，我就估佢係 iberico ham，check 返個 menu 就確認咗佢唔單只係 iberico ham 仲要係 aged 咗30個月，好食。係隻蛋同埋塊麵包中間其實仲夾左一啲上邊講過嘅三色車厘茄。
整體來講我覺得廚師做嗰啲食物都係一啲手工野，睇到廚師擺咗好多心機落去做一啲簡單嘅食物。雖然呢一間餐唔係好貴，但係廚師都好注重味道同埋 presentation。而且係用一啲高質嘅食材。
本來都冇諗住要飲咖啡，因為個餐唔包。但係我見到隔離有一個相信係老闆嘅朋友叫咗杯咖啡，咖啡師 barista 同果位客人解釋沖咖啡嘅心得解釋得好清楚同好細緻，所以我最終都係忍唔住叫咗一杯手滴咖啡 single origin coffee。佢有幾種俾我揀，我就揀咗 shembati。
其實我好少飲呢類嘅咖啡，一係就飲啲好濃嘅 expresso ，一係就加奶飲嘅 flat white。呢一種咖啡飲落去，出奇地好清新，簡直好似有啲初戀嘅感覺。佢冇乜苦味，有一啲酸味，冇乜 body ，但係感覺好純，仲飲得出barista 所講嘅生果味。
餐廳裏面嘅侍應同埋barista，都有禮貌，保持笑容，對食物同埋咖啡提供有關嘅解釋。
總結：
- 餐廳幾開陽，最啱而家細菌當道嘅時候去
- $168 lunch set - 一個價錢滿足三個慾望
- 推介：crispy potato，baby purple kale，chef’s breakfast
- 廚師擺咗好多心機落去做一啲簡單嘅食物
- 用一啲高質嘅食材
- single origin coffee (shembati) 好清新，有啲初戀嘅感覺
- 侍應同埋barista都有禮貌，保持笑容同提供解釋
PS 可能之前有睇過我寫食評嘅人都會有一個感覺就係我淨係會俾高分俾啲餐廳。咁其實唔係因為我俾分比較鬆手，而係因為如果嗰間餐廳一般或者唔好，我都費事去寫一啲食評出嚟幫佢做間接宣傳，同埋嘥咗啲讀者時間去睇。
千層薯條 Crispy potato
29 瀏覽
0 讚好
0 留言
羽衣甘藍沙律 Baby purple kale
17 瀏覽
0 讚好
0 留言
Chef’s breakfast
16 瀏覽
0 讚好
0 留言
手滴咖啡
$60
6 瀏覽
0 讚好
0 留言
張貼
