樓下冰室 (已結業)

喺中環返工，收工都諗住要食樓下冰室嘅雞翼，佢嘅瑞士雞翼同瑞士雞髀真係好好食，超入味，所以今日接埋女朋友收工之後，特登返去荃灣回味下呢個瑞士雞髀同埋蕃茄湯通粉。佢哋嘅嘢食真係好多款式，有時真係唔知揀邊樣好，有選擇困難症嘅朋友要小心啦。疫症期間都仲有好多人下午茶黎食，亦有好多人叫外賣，佢哋嘅位分隔得好清晰，食客都食得好放心。叫咗個雞扒拼蓮藕肉餅飯，女朋友逢親肉餅就好鍾意，雞扒煎到外皮有少少趣，入邊又唔油，蓮藕餅煎到好香脆，送飯真係一流。另外叫咗個番茄湯通粉加豬膶，佢嘅蕃茄湯底酸酸甜甜好開胃，加埋炒滑蛋一齊食，成個湯底好滑。飲品就冇乜特別，都係檸檬茶同檸檬水，不過我之前飲過紅豆冰，黎親呢度食雞髀一定要配紅豆冰，佢嘅紅豆冰甜味啱啱好，紅豆一粒粒入口好有咬口，推介。