影片
更多
2020-11-18
6268 瀏覽
第一次同朋友帶埋導盲犬Del Del🦮 光顧呢間餐廳，店員姐姐好觀迎我地，埋單嗰陣老闆富哥仲比左優惠我地(唔通因為隻🐶 又乖又得意? 真係非常感謝) 。呢度既拉麵係我地近排試過最好味既，非常推介大家黎試。餐廳門面唔太顯眼，大家可以留意向著營盤街既"正斗火鍋"，隔離舖頭就係喇。要注意餐廳座位唔多，可能要排下隊。慢煮雞(+薯仔)沙律 $35好嫩滑既雞肉, 係雞白拉面嗰啲雞叉燒, 有淡淡既雞味. 薯仔沙律味道豐富香濃, 如果可以再比多啲薯仔，多過雞肉就好喇芝士肉醬蛋包飯 $65日本飯果然好味啲, 又飽滿又香甜。佢跟左一小碗豬骨湯，係同拉麵湯底一樣既, 個湯香椁濃厚又唔會太咸. 其實就算冇蛋冇肉醬, 淨係豬骨湯撈飯都一樣好味. 好期待下次試佢既豬骨湯拉麵, 肉醬同滑蛋都唔錯，蛋又滑又香，肉醬又食得出肉粒，加埋軟淋淋既飯感覺好滿足。蝦味噌櫻花蝦拉麵 $65今晚重點黎喇。蝦味濃到滿瀉！真係食到停唔到口. 叉燒有四塊，好似有一半係輕輕燒過既，好香口。牛油粟米浸左湯仲係好香牛油味，又大粒又甜，朋友好鍾意。糖心蛋單點係冇既, 要跟餐先有, 我地未試到. 朋友一向鍾意粗麵多啲，但係都話呢個幼麵好食，麵身唔
餐廳門面唔太顯眼，大家可以留意向著營盤街既"正斗火鍋"，隔離舖頭就係喇。要注意餐廳座位唔多，可能要排下隊。
慢煮雞(+薯仔)沙律 $35好嫩滑既雞肉, 係雞白拉面嗰啲雞叉燒, 有淡淡既雞味.
薯仔沙律味道豐富香濃, 如果可以再比多啲薯仔，多過雞肉就好喇
芝士肉醬蛋包飯 $65日本飯果然好味啲, 又飽滿又香甜。
佢跟左一小碗豬骨湯，係同拉麵湯底一樣既, 個湯香椁濃厚又唔會太咸. 其實就算冇蛋冇肉醬, 淨係豬骨湯撈飯都一樣好味. 好期待下次試佢既豬骨湯拉麵,
肉醬同滑蛋都唔錯，蛋又滑又香，肉醬又食得出肉粒，加埋軟淋淋既飯感覺好滿足。
蝦味噌櫻花蝦拉麵 $65今晚重點黎喇。蝦味濃到滿瀉！真係食到停唔到口.
叉燒有四塊，好似有一半係輕輕燒過既，好香口。
牛油粟米浸左湯仲係好香牛油味，又大粒又甜，朋友好鍾意。
糖心蛋單點係冇既, 要跟餐先有, 我地未試到.
朋友一向鍾意粗麵多啲，但係都話呢個幼麵好食，麵身唔會太稔又會掛湯。可能實在太好食，食一碗唔係好夠飽添。呢度唔係專做拉麵，但係仲好食過好多拉麵店，非常推介！
辣雞拉麵 $65雞本身唔辣既, 係慢煮雞沙律個啲, 有四件咁多
湯底係豬骨湯底加上(好似係)豆瓣醬, 有刺鼻而豐富既辣椒香, 非常惹味, 辣度就只係象徵式。香濃既湯底好啱撈幼麵食，但係要飲晒佢我就唔係好習慣啦。
店員姐姐話仲有舞茸和牛拉麵，逢星期一至四有售，好想試下。
和牛蝦餅$25. (旁邊係蛋包飯跟既豬骨湯)menu冇既, 要睇 社交平台專頁先知, 可能唔係日日有.
和牛粒好有脂肪香，口味比較清淡，用兩塊蝦餅夾住好有特色。
真心覺得好好食，老闆亦整得好有心機，推介比大家👍👍👍
張貼
