憶食尚臘味煲仔飯 (已結業)

呢間餐廳以前食過一次，食過返尋味！今次同朋友一齊去，地理位置幾好，大概行5分鐘就有地鐵站！舖名都有煲仔飯三隻字，顧名思義佢嘅煲仔飯應該係幾出名嘅！原本諗住叫返上次食過嘅特色臘味煲仔飯，不過朋友話天氣太熱唔想食煲仔飯，所以最後叫咗個酸辣空心手工麵同埋手工黃金麵作主食。酸辣有得揀辣度，大中小走辣都得。今次揀咗個小辣，辣度可以接受。因為d麵係空心嘅，所以更加吸汁，酸酸辣辣的，好開胃！黃金面炸到非常脆口，沾點酸汁，更加好味！另外當然唔少得點嘅係臘味拼盤！佢有川味臘腸同埋原味臘腸。佢呢度嘅臘腸同一般市面上嘅唔一樣，佢用咗茅台酒去浸，所以食落有好濃嘅酒香。川味臘腸更加特別！食落真係有麻辣嘅味道，但係唔會太辣，食唔停！呢個清蒸黑毛豬，望落去好似有啲單調，但食落去非常爽口彈牙！最後咁就梗係要食埋佢個糖水啦！超級滿足！