Second Draft (已搬遷) 新店位置

喺大坑嘅Second Draft雖然係一間酒吧，但嘢食都十分出色！政府嘅「防疫」政策搞到啲餐廳menu轉晒，Second Draft就推出咗全新Lunch Set Menu，7種菜式都配有一份薯條同埋飲品。主菜唔講住，先講份薯條，係淨係嚟食薯條都值得嘅薯條，一齊睇吓有咩咁巴閉！ 😋 大坑薯條 $78唔好睇啲薯條好似同金記啲薯條差唔多樣，首先呢度嘅薯條係無一條好似金記咁炸到乾晒，每條都係新鮮炸起熱辣辣，入面仲係軟綿綿嘅薯仔。而最出色最出色就係個配料，係用咗孜然、高菜同埋乾椒，簡單嚟講就係避風塘風味。btw提提大家記得唔好試探啲乾椒，唔咬都好地地，一咬開就好似喺口入面爆炸咁💥嚟之前會以為係一間西式酒吧，但大部份菜式都係中式煮法，配埋好港式嘅裝修佈置，Second Draft嘅感覺真係喺第二度唔會搵到。咁酒吧就當然有酒賣，下次再為大家介紹其他食物同手工啤！