Café Circles

阿女而家運動量大咗，自然食多咗嘢，咁我哋就會多咗去同佢嘗試多啲唔同種類嘅食物，而最好嘅方法，當然就係食自助餐啦😋我哋今日就揀咗荃灣西如心酒店 Cafe Circles嚟試下呢度嘅”仲夏亞洲鮮味盛薈”🦐一入場就俾佢地超長甜品吧吸引住🧁當中仲有幾款係榴槤主題嘅甜品，啱晒媽咪，仲有唔少得嘅黑白朱古力噴泉同中式甜品添🍫再行入啲就係冷盤同沙律🥗呢度淨係芝士都有四款🧀東海鮮方面除咗青口同蟹腳🦀仲有清酒煮鮑魚同冰鎮金螺🐚沙律方面仲有幾款可以選擇，仲有刺身，壽司同冷麵任君選擇🥣熱食方面一啲都唔馬虎，爐端燒有串燒同即煎嘅扒類🥩仲有每晚唔同嘅爐端燒海鮮🦞我哋當晚就係皇帝蟹腳超厚身啖啖肉🦀阿女仲食咗好多件添另外嘅燒西冷同意式豬肉卷都好好味，我欣賞嘅係海南雞飯🍚即叫即切😍講到明係亞洲鮮味盛薈，點會咁簡單？仲有非常惹味大推嘅星洲炒蟹🦀清蒸海斑🐟芝士焗蠔唔少得嘅仲有爸爸嘅comfort food—咖哩🍛飲品除咗一般嘅咖啡同茶，仲有兩款果汁同樽裝啤酒汽水任飲🍻最勁嘅係有Haagen Dazs雪糕，仲有6款味道同2款雪糕批任食，開心死阿女同爸爸🍧而家荃灣西如心酒店仲做緊優惠，只要係一位成人正價自助晚餐就送一位小童。