通達食店

營業中

休息中

同朋友分享完上次喺通達食粢飯同埋魚蛋， 朋友介紹佢個金牌碗仔翅。今日有啲時間就試下。 原來我覺得一碗碗仔翅要25蚊有啲貴， 但食完覺得佢真係物有所值!!😍😍佢啲料好多份量十足，木耳絲同肉絲都好(冇冬菇的)，而個質地啱啱好，唔會太水又唔會太“傑“，食完一碗都已經唔肚餓。😂另外，佢個味道好濃郁， 好似人哋用老火煲咗好耐嘅感覺。最特別ge係食落會甜甜地ge味，又唔係死甜。平時食開碗仔翅都係鹹味為主，有時仲要好靠麻油胡椒醋黎提下味，但e碗 金牌碗仔翅 完全唔需要。同別人家的相比，真係與別不同 👍