紅雞

營業中

休息中

呢到周圍都係韓國餐廳，但我次次都係食返呢間每一次都唔會令我失望嘅炸雞同五花腩❤️呢條街星期日晏晝都幾靜，一點幾嚟到，都係得2枱客人喺到，夜晚就會多啲人。我以前都食過好幾次，今次呢個朋友係第一次食，等我推介下最愛嘅菜式先😍(炸)五花腩配泡菜: 以前食過無炸皮嘅五花腩配泡菜，真係超超超好食，五花腩嘅油香味配上酸辣泡菜超解膩今次炸嘅五花腩都係一樣好食，唔配泡菜嘅話，獨立做一款菜式都絕對唔失色😙炸皮冇搶走五花腩本身浸油香味，口感保持彈牙，配埋泡菜都好夾，冇得彈😋半半炸雞就揀咗無骨蜜糖+原味🐓🍯大概每款口味都有6隻，每隻都大大件啖啖肉，嗌無骨炸雞就唔使一路食一路吐骨咁麻煩炸皮脆卜卜，食落又唔會油到爆，原味一樣咁好味韓國餐廳嚟講，紅雞絕對係個人心目中top3🇰🇷味道份量絕對對得起個價錢，性價比都ok下次再嚟就再試下其他菜式