影片
更多
2021-03-02
10 瀏覽
好耐冇見老友，想搵 一處清靜嘅地方慢慢食，閒聊一番，終於在網上搵到個近住老友返工附近嘅樓上鋪，食佢最鍾意嘅火鍋。火鍋店位於旺角，交通非常方便，可能我們相約得太早，到的時候顧客不多。食火鍋最重要個鍋底，見到呢個名為養顏美人鍋嘅鍋底，二話不說就選擇咗佢。湯底送上嚟有全隻嘅烏雞，仲有滋補嘅桃膠、淮山、杞子、圓肉、北芪、 紅棗、南棗……等。滾起，先飲啖湯，味道鮮美，好滋潤。跟住個海鮮拼盤就送咗上嚟喇，海鮮拼盤有海生蝦、蟶子、桂花蚌、鱔片、脆肉鯇。生蝦送上嚟嘅時候，見到佢條鬚仲喐喐下，非常生猛，蟶子好大隻，鳝片就非常爽脆，呢個海鮮拼盤只賣＄288，我覺得非常抵食。牛肉我就揀咗手切本地牛肉，油花分佈均勻，切雙飛，只係淥咗十秒，嫩滑甘香，充滿肉味。呢個自家製四式手工丸拼盤，係黑松露蝦丸、黃金墨魚丸、芝心牛肉丸同梅菜豬肉丸各兩粒，肉丸彈牙，味道非常有特色。雜菜籃，除咗各式蔬菜外，仲有雜菇、粟米、只賣＄68，超值。食完好飽，仲有洛神花、菊花露同生果盤送，好驚喜。點知埋單嘅時候，原來仲有七折㖭，搞到我哋兩個好開心，笑住同侍應拜拜。
火鍋店位於旺角，交通非常方便，可能我們相約得太早，到的時候顧客不多。
食火鍋最重要個鍋底，見到呢個名為養顏美人鍋嘅鍋底，二話不說就選擇咗佢。
湯底送上嚟有全隻嘅烏雞，仲有滋補嘅桃膠、淮山、杞子、圓肉、北芪、 紅棗、南棗……等。滾起，先飲啖湯，味道鮮美，好滋潤。
跟住個海鮮拼盤就送咗上嚟喇，海鮮拼盤有海生蝦、蟶子、桂花蚌、鱔片、脆肉鯇。生蝦送上嚟嘅時候，見到佢條鬚仲喐喐下，非常生猛，蟶子好大隻，鳝片就非常爽脆，呢個海鮮拼盤只賣＄288，我覺得非常抵食。
牛肉我就揀咗手切本地牛肉，油花分佈均勻，切雙飛，只係淥咗十秒，嫩滑甘香，充滿肉味。
呢個自家製四式手工丸拼盤，係黑松露蝦丸、黃金墨魚丸、芝心牛肉丸同梅菜豬肉丸各兩粒，肉丸彈牙，味道非常有特色。
雜菜籃，除咗各式蔬菜外，仲有雜菇、粟米、只賣＄68，超值。
食完好飽，仲有洛神花、菊花露同生果盤送，好驚喜。點知埋單嘅時候，原來仲有七折㖭，搞到我哋兩個好開心，笑住同侍應拜拜。
張貼
