三不館車仔麵 (廣福道)

營業中

休息中

呢間車仔麵檔主打一啲比較有特色嘅餸，係喺其他車仔麵檔食唔到嘅，所以間中都會嚟呢間車仔麵當食個lunch。大埔分店嘅座位佈置同以往嘅有啲唔同，令到座位更加闊落，食得更加舒服。除咗餐牌上面嘅餸有好多唔同嘅選擇，而辣味都有兩隻唔同嘅俾大家可以自由選擇。非常適合鍾意食辣嘅朋友。雖然車仔麵嘅價錢比一般車仔麵檔嘅稍為貴咗少少，但係車仔麵都份量十足。當日叫咗豬手，豬手嘅size都比較大件，可惜當日嘅骨頭比較大，肉量偏少。而另一個餸，就點了酸齋，酸齋索晒個湯汁，非常入味。湯底就揀咗金牌麻辣汁，主要係靠一啲麻辣醬令到個湯底有味。但整體嚟講算係唔錯。大家唔好唔記得加入枱面上面都有嘅辣菜脯，增加車仔麵嘅味道之餘亦都增加口感。最後飲品亦都有樽裝汽水可以選擇。