影片
更多
2022-05-30
116 瀏覽
.📍Panda Leaf Indonesian Restaurant 班蘭葉印尼餐廳📍 #饅頭去銅鑼灣 #饅頭食印尼菜------------------------------1️⃣ 沙嗲拼盤8串 ($188)呢度嘅串燒全部都係即叫即燒，包括牛、雞、羊同白鱔各2串，佢哋嘅沙嗲醬混合濃厚嘅花生🥜、香茅、南薑同參巴醬等香料，偏甜但都幾惹味。小編最愛嘅係白鱔，燒到皮脆肉嫩😍，咬落去個皮帶少少炭火香，魚油慢慢咁滲出嚟💯，味道濃郁，魚肉夠厚同結實keep住個彈性，啲細條嘅魚骨全部被清晒，食得好放心👍🏻，個人認為唔加醬仲好食。雞肉似係用咗黃薑、黑果去醃製，嫩滑多汁😙，啖啖肉，炭火香相比白鱔就差啲，不過值得一試；羊肉同牛肉就比較普通，個人覺得可以唔嗌，羊肉有陣羶香，入口ok軟嫩；牛肉肉質較硬🤔，原味唔算好突，不過唔係乾身咬唔開。◾評分：8.6/10------------------------------2️⃣ 班蘭雞尖塔飯 ($68)雞肉浸嘅時間啱啱好，口感嫩滑，帶有少少鹹味，雞胸部位都唔會又乾又鞋口💁🏻♀️，可惜雞油香唔太重；沾醬嘅薑蓉帶有斑蘭嘅清甜，同雞肉味道幾夾；青綠色嘅斑斕飯賣相好靚🤩，飯似係
📍Panda Leaf Indonesian Restaurant 班蘭葉印尼餐廳📍 #饅頭去銅鑼灣 #饅頭食印尼菜
------------------------------
1️⃣ 沙嗲拼盤8串 ($188)
呢度嘅串燒全部都係即叫即燒，包括牛、雞、羊同白鱔各2串，佢哋嘅沙嗲醬混合濃厚嘅花生🥜、香茅、南薑同參巴醬等香料，偏甜但都幾惹味。小編最愛嘅係白鱔，燒到皮脆肉嫩😍，咬落去個皮帶少少炭火香，魚油慢慢咁滲出嚟💯，味道濃郁，魚肉夠厚同結實keep住個彈性，啲細條嘅魚骨全部被清晒，食得好放心👍🏻，個人認為唔加醬仲好食。
雞肉似係用咗黃薑、黑果去醃製，嫩滑多汁😙，啖啖肉，炭火香相比白鱔就差啲，不過值得一試；羊肉同牛肉就比較普通，個人覺得可以唔嗌，羊肉有陣羶香，入口ok軟嫩；牛肉肉質較硬🤔，原味唔算好突，不過唔係乾身咬唔開。
◾評分：8.6/10
------------------------------
2️⃣ 班蘭雞尖塔飯 ($68)
雞肉浸嘅時間啱啱好，口感嫩滑，帶有少少鹹味，雞胸部位都唔會又乾又鞋口💁🏻♀️，可惜雞油香唔太重；沾醬嘅薑蓉帶有斑蘭嘅清甜，同雞肉味道幾夾；青綠色嘅斑斕飯賣相好靚🤩，飯似係沾米溝糯米，口感較黏彈，煙韌得嚟又少少硬身，仲可以粒粒分明，味道似油飯，不過同時有陣斑斕同椰漿嘅清香😍，感覺較清新。仲有一碗蘿蔔湯，不過好鹹。
◾評分：8.1/10
------------------------------
3️⃣ 原條魚花膠湯粉皮 改燒魚 ($88 +$10)
有別於傳統印尼做法既滷水粉皮同炸花膠，湯底似係鮮雞、響螺頭、花膠、杞子、蟲草花同海底椰熬製😳，完全無落味精，充滿膠質，入口鮮甜滋潤😌，少少黏稠漿口，仲帶有椰香，感覺香濃豐富。花膠大塊厚身，軟稔適中，淋骨香滑 充滿骨膠原，食落黏口，性價比極高，好似飲緊屋企煲嘅湯，感覺都幾親切❤️，幾啱香港人口味，睇得出老闆娘幾有心思。粉皮雪白滑溜😋，唔會煮到碎曬，一片片層次分明有咬口，加埋花膠湯底係絕配。
魚係非洲鯽魚原條送上，非常大份🤦🏻♀，飽唔死你至奇；燒到恰到好處，表皮鬆脆，魚皮煙靭，帶些少燒汁煙薰香🤤，同時保留到入面嘅魚肉鮮嫩多汁，質感軟熟唔乾冇死實。而高溫燒烤令到魚油鎖緊喺魚皮入面🥰，一切開魚皮，魚肉嘅鮮味慢慢溢出，完全唔會食到泥腥味，就連魚頭魚骨都燒到脆卜卜，可以就咁食，特別係骨位魚油特別香濃，同燒汁醃料非常之夾，係煎皮拆骨，增加膽固醇嘅必選😈。
◾評分：8.4/10
------------------------------
4️⃣ 鮮奶薑蜜 ($28)
南薑絲加椰奶，聞落有少少薑嘅香味，但係味道好甜，零薑辛味，非常普通，除非你想暖身，否則唔太建議試。
◾評分：6.5/10
------------------------------
5️⃣ 斑斕千層糕 ($7)
質感非常煙韌🤤，滑得嚟黏性十足，好香斑斕椰汁味，唔會係死甜，非常高質，My favourite。
◾評分：8.3/10
------------------------------
🔸整體評分：8.2/10
🔸小編回頭率：7.5/10
整體嚟講偏貴但食物質素唔錯，串燒同魚超有驚喜🤓，但雞同花膠湯嘅味道就預料之內，不過不失。
張貼
