NUTTEA (旺角中心第一座) (已結業)

Nuttea係我嘅必去手搖飲品店。因為佢哋同好多其他飲品舖唔同，最特別係佢哋用堅果奶沖製嘅奶茶或者奶蓋。感覺上好似健康啲，而且有果仁嘅香味非常特別。今次就叫咗每次都必點嘅火龍果奶蓋茶同埋限量嘅伯爵茶朱古力奶蓋茶。火龍果奶蓋茶雖然冇咩火龍果味，但係個色睇落去好靚，而且個茶味都好突出。上面奶蓋鹹鹹甜甜，好香口。伯爵茶朱古力奶蓋，個奶蓋加咗朱古力比較特別，但係又唔會太甜同個茶好match，建議茶底叫微糖或者無糖就啱啱好啦。