伍仔記

營業中

休息中

今晚媽咪話唔想煮飯，所以我就帶爸媽同家姐出街搵食，爸媽比較傳統，不喜歡西餐，近近地去大埔街市食大排擋食小炒小菜最👍🏻，因為早去，所以不用等位，街頭市熟食市場有幾檔大排擋，個人最喜歡伍仔記，以前亦經常同女友來撐枱腳，所以由我發板，叫左半邊口水鷄，但爸媽唔食得辣，所以走口水汁，只是白切雞，雖然雞味不太濃，但皮爽肉滑，都幾好食，另外叫左隻紅燒BB鴿，皮脆肉嫩，正，當然每次來必食的蒜蓉粉絲蒸墨魚丸和避風塘腰果茄子當然不可少，墨魚丸彈牙鮮味，配蒜蓉汁很夾，粉絲吸晒啲墨魚丸的鮮和蒜蓉的香，非常好食！避風塘腰果茄子的茄子是片薄了茄子，釀入墨魚漿再炸，香脆可口，送啤酒一流！最後爸爸話想食蝦，所以加左一碟蒜蓉蒸蝦，蝦雖然不大隻，但彈牙，新鮮，爸爸話好好食！