瀧赤料理 (已結業)

睇完戲經開新墟街市見到有間新日本野，試業中決定入去試下。裝修都好簡潔，木枱木椅比人感覺好舒服好放鬆。廚房既玻璃又可以睇到廚師入面既工作～店內有三位男士主理，小店經營。先睇下餐牌，試業中黎講都算已經好多選擇，壽司刺身串燒烏冬小食應有盡有！我同細佬二人決定先叫d壽司食下。壽司係逐件計既，先叫左三文魚壽司兩件，熟蝦壽司兩件，同我至愛既玉子壽司兩件！擺盤超靚啊！先加好多分！再講下壽司飯唔大但上面個食材就超大超長！好抵食，三文魚同熟蝦好新鮮！熟蝦仲話係自家製既，唔係出面食到架！最鐘意食薑塊，有配埋實在太正啦！自家製玉子甜甜地又結實，like!再叫左個軟殻蟹卷，有4舊，軟殼蟹炸到好香口好脆，配埋卷入面既青瓜，中和左油膩，岩岩好，點埋沙拉醬，正啊。之後黎個豚肉烏冬，係出面偷睇到師傅係逐塊豚肉煎完再擺落個湯烏冬到，一點也不馬虎！唔係求其碌熟擺落去就算！小店的認真！豚肉煎到好香 又夠味 仲有勁多塊！同細佬每人都分到3-4塊！烏冬幼身好彈牙，湯底都好飲，唔似味精湯！唐揚炸雞超推薦！新鮮炸到出黎仲出煙，一咬落去出面脆卜卜，內面既肉汁湧哂出黎！舊雞調味剛剛好，唔會太咸，超好味啊！我呢d炸雞控真係食完一舊又一舊