Oui Oui Bistro (已結業)

今日同我媽咪一齊食個brunch，拍拖之後好少同媽咪食飯，女人無論咩年紀都鐘意呷醋！今日放假難得有時間，就揸車入左長沙灣食個brunch！好鐘意長沙灣既oui oui bistro，藍帶廚師加上美味食物和舒適環境，吸引左好多食客會黎食飯！假日黎到人山人海！我同媽咪一人叫左一個pasta，我食燒雞意粉！雞脾有兩件，疊起上碟，賣相好吸引！蕃茄汁香甜微微辣，唔會酸，入口完全唔會好膩！意粉彈牙掛上豐富醬汁，非常滋味！雞脾煎得香口，肉質極滑溜，雞皮完全唔肥膩！媽咪叫左黑松露卡邦尼意粉，菌味香濃忌廉份量剛好，意粉吸哂醬汁每一口都好濃口感極豐富，食到停唔到口！煙肉和半熟蛋配搭得宜，味道咸香出色！我叫左泡沫咖啡，媽咪叫左mocha，咖啡味濃香滑，豆香唔會酸，正合我口味，奶泡綿密，咖啡入口滑溜，非常滿意！媽咪都好滿足！