喜來稀肉 (已結業)

喜來稀肉都食過好幾次了，我最鍾意嘅就係豬護心肉（$158）。唔會太肥膩，又唔會有雪味。口感爽爽地~用生菜包住食一流呀！另外仲叫咗調味醬油雞肉（$110），係原塊雞扒咁樣上嚟，成舊擺落去燒，在自己展開細細件～雞肉本身已經醃咗有味，都係一個唔錯嘅選擇～豆腐湯（$80），豆腐非常嫩滑，再配上翠玉瓜、豬肉碎蜆肉等等配料，小小香辣好開胃～蟹籽紫菜飯團🍙（$50），可以自己落手DIY，張紫菜條同埋蟹子同埋啲白飯撈埋一齊，自己帶手套搓成一個個飯團，好過癮呀！本身附送嘅小菜有幾款可以添加嘅，爐邊蛋都有芝士同埋蕃茄兩款口味！