SHY Xpress (已結業)

葵芳區一直都是有數之不盡吃不完的食店，加上愈開愈多，包括人氣文青Cafe，馳名蛋牛治等等。幸好我上班就係此區，只係每天諗食咩都已經諗到頭都爆 最近食午飯經過哩間蛋牛治店，竟然比我發現係深水埗非常有名既蛋牛治新店，我已決定做我聽日既早餐。本人上班時間比較晏，所以早上去到店鋪完全係無人等，可能開門無耐，噤早無咩客都好正常早餐有套餐連飲品，二話不說叫左份蛋牛治烘底同凍咖啡外賣，等左十分鐘左右，係我等既時候，店員告知我原來可以預先打電話到店鋪或What's app形式落單，噤黎到店就可以比錢即刻拎走，果然唔錯，下次我都會醒D外賣拎返公司食，首先飲啖凍咖啡，飲落幾似咖啡店個種味道，唔似一般茶餐廳既咖啡，我都幾鍾意，而蛋牛治一打開包裝紙，好厚既蛋牛碎配埋烘底，正！早餐黎講都幾大份同真係好飽，值得既。