Chip In Fish & Chips (已結業)

踏入秋天，又到行山好時機，今日來到西貢，行完山梗係要搵好嘢食，就來個炸魚薯條吧。餐廳主打Fish & chips，亦有雞柳，漢堡等等，而雖然主要做外賣，但門口都擺咗幾張檯，等客人可以坐定定食。一份炸魚薯條包一款醬汁，我地揀咗最普遍嘅茄汁。今日叫咗一份細炸魚薯條，每份都係即叫即炸，保證熱辣辣，炸魚皮薄香脆，魚肉依然嫩滑，唔會炸得太乾，而薯條用英式粗薯條，感覺份外有風味。排隊時見到有炸Oreo，鍾意試特別嘢食嘅我，點可以唔試吓？炸Oreo外脆內軟，炸完後有少少流心效果，感覺相當特別。