一日三餐 (已結業)

去親旺角都好鐘意去食一日三餐，之前試過外賣豉油雞覺得幾好食，呢日決定坐低堂食，去嘅時候未夠12點午飯時間，所以人流都唔係好多，例牌嘅豉油雞飯餐$68，不過今次想試吓食多啲所以要咗半隻$118，不過半隻就冇餐所以另外再加$10白飯，鍾意食呢個豉油雞飯嘅原因係因為佢係用悅和嘅甜豉油煮，啲雞好滑之餘，豉油亦都好入味，用嚟撈飯送飯真係一流，半隻雞嘅雞肉亦都幾多雞髀啖啖肉，雞嘅脂肪亦都唔算厚，老闆仲送咗碗西洋菜湯俾我，呢度坐得舒服嘢食又好味，下次想食豉油雞都會再來。