影片
更多
2020-10-16
5709 瀏覽
齊歡唱，同慶賀。。。啦啦啦。。。感恩和家人慶祝好日子，一定要食返餐好架啦！當晚我地未夠七點嚟到餐廳，之後陸陸續續好多客人，到七點左右幾乎已經入座八成。由於仍然係四人限聚令，於是我地分開兩張枱咁坐。餐廳安排得好好，每枱之間有塊很大的透明膠片遮擋，又可以同到家人傾偈，又做到防疫嘅效果，抵讚！弟婦提前幾日訂咗八月居名物—脆脆ＢＢ豬，果然係必點之選！雖然有點貴，但係好值得呀！ＢＢ豬啲皮好脆，肉質鮮甜可口，皮同肉之間嘅油脂唔算太多，就算食多幾片都唔係問題。真係好好食！呢度並冇提供到所謂嘅乳豬醬俾食客蘸，證明ＢＢ豬真係好鮮嫰！其他菜式就咁睇餐牌裡面嘅圖片，賣相都覺得好精緻！這個星斑球嘅肉質結實，非常厚嘅一塊，魚肉非常新鮮冇雪味，食得好滿足！芥末蟹籽手撕雞作為前菜嚟講真係ichiban! 因為Wasabi都係我鍾意食嘅口味，加上雞肉又好嫰滑，一啲都唔會鞋霎霎！仲有脆卜卜嘅蟹籽，這個配搭認真令人胃口大開呀！這個白玉木耳好似出水芙蓉咁，食落爽口，配合蟲草花同翡翠苗，味道清清地，真係好夾，令人回味再三！這款真心夠特別！有啖啖龍蝦肉，而且係我最鍾意嘅山水豆腐花，真係超級滑溜，而且掛滿龍蝦汁，用嚟送飯一流呀！
感恩和家人慶祝好日子，一定要食返餐好架啦！
當晚我地未夠七點嚟到餐廳，之後陸陸續續好多客人，到七點左右幾乎已經入座八成。由於仍然係四人限聚令，於是我地分開兩張枱咁坐。
餐廳安排得好好，每枱之間有塊很大的透明膠片遮擋，又可以同到家人傾偈，又做到防疫嘅效果，抵讚！
弟婦提前幾日訂咗八月居名物—脆脆ＢＢ豬，果然係必點之選！雖然有點貴，但係好值得呀！
ＢＢ豬啲皮好脆，肉質鮮甜可口，皮同肉之間嘅油脂唔算太多，就算食多幾片都唔係問題。真係好好食！呢度並冇提供到所謂嘅乳豬醬俾食客蘸，證明ＢＢ豬真係好鮮嫰！
原隻脆脆BB豬
57 瀏覽
1 讚好
0 留言
其他菜式就咁睇餐牌裡面嘅圖片，賣相都覺得好精緻！
這個星斑球嘅肉質結實，非常厚嘅一塊，魚肉非常新鮮冇雪味，食得好滿足！
碧綠星斑球
31 瀏覽
0 讚好
0 留言
芥末蟹籽手撕雞作為前菜嚟講真係ichiban! 因為Wasabi都係我鍾意食嘅口味，加上雞肉又好嫰滑，一啲都唔會鞋霎霎！仲有脆卜卜嘅蟹籽，這個配搭認真令人胃口大開呀！
芥末蟹子手撕雞
33 瀏覽
0 讚好
0 留言
這個白玉木耳好似出水芙蓉咁，食落爽口，配合蟲草花同翡翠苗，味道清清地，真係好夾，令人回味再三！
白玉木耳蟲草花浸翡翠
32 瀏覽
0 讚好
0 留言
這款真心夠特別！有啖啖龍蝦肉，而且係我最鍾意嘅山水豆腐花，真係超級滑溜，而且掛滿龍蝦汁，用嚟送飯一流呀！
鴛鴦豆腐燴加拿大龍蝦肉
24 瀏覽
0 讚好
0 留言
九肚魚嘅脆漿唔算勁厚，同埋都可以食得出九肚魚嘅軟滑感，只係份量少咗啲！見到枱枱都有點這款，所以忍唔住都點咗嚟試吓啦！
鹽燒九肚魚
23 瀏覽
0 讚好
0 留言
WOW~大大隻蝦碌，入口啖啖肉！芥末醬好滑但有少少攻鼻，家中長輩食得非常開心，好滋味！
芥末脆香蝦球
25 瀏覽
0 讚好
0 留言
壓軸出場嘅係龍蝦汁泡飯，好矝貴，每人只得一碗咋！裡面嘅材料有蟹肉同鮮蝦，同鮮味嘅龍蝦汁混合而成，充滿海洋嘅感覺！
餐廳職員會幫我地料理，我幸運地分配到整舊蟹肉！！蟹肉係一梳梳嘅，由於龍蝦汁偏濃味，所以蝦同蟹嘅鮮味就被掩蓋了！
龍蝦汁泡鴛鴦岩米飯
32 瀏覽
0 讚好
0 留言
豐盛又滿足嘅一餐，滿滿嘅開心記憶！
God is great!! Hallelujah~~
張貼
