芽莊越式料理

營業中

休息中

每次去moko，同家人，或者有小朋友嘅聚會，普遍我都會選擇食呢間，因為貪佢坐得舒服，食物質素都唔錯，一碗麵都係65-78左右，價錢算合理。服務態度都唔錯，好少出現黑口黑面或者溜單嘅情況。經常都見到好多一個人食雙，因為好多二人位。而我每次都要點雞絲湯河，生牛腩湯河。今次選擇左一個烤雞！熱辣辣，皮脆肉嫩，配上一個類似芫荽蔥加橄欖油嘅醬料，意外好食！（起初睇相仲以為係雞脾)芒果沙冰濃厚嘅芒果味，38蚊一杯都算值。