Crumbs (已結業)

我先想講一講個鬆餅，唔知點解食緊個鬆餅嗰陣時候。。竟然俾人偷咗一粒提子。。而且係快速地偷咗個粒提子。。。兇手係。。。貓貓豬怪就怪鬆餅太鬆，貓太快，嗚嗚。。呢個相餅買嗰陣時候仲熱辣辣 ，因為佢一直用個烘爐烘住，所以即食仲好香脆。但因為我掛住食乳酪所以個鬆餅就攞咗返屋企食，係屋企食嗰陣時候雖然凍左，但係依然非常之鬆脆，牛油味香而且重。就係我一個不留神之下，提子跌咗落地下，唔使2秒嘅時間 貓貓已經衝過來食左落肚，好食呢。。依家就做緊一個母親節大優惠，直至五月尾，兩杯標準嘅size嘅乳酪只不過係＄78，比起平時＄96足足平左＄18，真係非常之抵食 ，襯而家就可以食多幾杯。我一向都好鍾意呢到嘅乳酪，因為佢嘅味道好特別，而且食落去非常之滑，又唔會太甜。另外配上我最鍾意嘅crumb 脆脆同埋超軟熟嘅糯米糍，一絕。以前係地舖，曾經一度搬咗想去樓上鋪，而家才搬返返落嚟。令我每一次見到佢間鋪頭嗰陣時候都忍唔住食，好有罪惡咁添。